रोहीणी खडसेंच्या प्रचारात खा. अमोल कोल्हे यांचा रोड-शो

सावदा, (प्रतिनिधी) : राष्ट्रवादी काँग्रेस शरदचंद्र पवार पक्ष, भारतीय राष्ट्रीय काँग्रेस, शिवसेना (उध्दव बाळासाहेब ठाकरे) महाविकास आघाडीची अधिकृत उमेदवार म्हणुन मुक्ताईनगर मतदारसंघाची निवडणूक लढवत असुन त्या अनुषंगाने प्रचारार्थ सावदा येथे खा. अमोल कोल्हे यांचा रोड शो आयोजित करण्यात आला. यावेळी जेष्ठ नेते ॲड रविंद्रभैय्या पाटील, माजी आ. अरूण पाटिल आणि महाविकास आघाडीच्या पदाधिकाऱ्यांची प्रमुख उपस्थिती होती.

दुर्गा माता आणि डॉ. बाबासाहेब आंबेडकर यांच्या चरणी नतमस्तक होऊन शहराच्या प्रमुख मार्गावर रोड शो द्वारे मतदारांशी संवाद साधत खा. डॉ. अमोल कोल्हे आणि पदाधिकाऱ्यांनी मविआ च्या उमेदवाराला खंबीर साथ देण्याचे आवाहन केले. याप्रसंगी सावदा वासियांनी फटाक्यांची आतिषबाजी, फुलांची उधळण करत आणि माता भगिनींनी औक्षण करत खा.अमोल कोल्हे आणि पदाधिकाऱ्यांचे स्वागत करून रोड शोला दिलेल्या उस्फुर्त प्रतिसाद लाभला.

जनतेच्या प्रेम मला जनसेवेसाठी लढत असलेल्या या लढाईत माझ्या विजयाचा विश्वास देणारे आहे. याप्रसंगी उपस्थित राष्ट्रवादी काँग्रेस शरदचंद्र पवार पक्ष,भारतीय राष्ट्रीय काँग्रेस, शिवसेना उबाठा पक्ष महाविकास आघाडीचे पदाधिकारी कार्यकर्ते यांचे सुद्धा मी आभार व्यक्त करते. अशी प्रतिक्रिया मविआच्या उमेदवार रोहिणी खडसे यांनी दिली